निजामपूर साक्री तालुक्यातील भामेर येथील शेतकर्‍याने कैलास यादव सोनवणे (वय३२) याने कर्जबाजारी झाल्याने शेतातील विहिरीत उडी मारून आत्महत्या केली आहे . त्यांच्यावर स्टेट बँक शाखा निजामपूर आणि डीडीसी बँक शाखा निजामपूर व हात उसनवारीने लाखो रुपयांचे कर्ज झाले होते. सदर घटनेने भामेर गावात हळहळ व्यक्त केली जात आहे.दि.११ जानेवारी २०१७ रोजी कैलास सोनवणे हे सायंकाळी ६ वाजता शेतात गेले होते. रात्री उशिरापर्यंत घरी परत न आल्याने त्यांचा मोठा भाऊ संजय यादव सोनवणे याने शोधाशोध केली.
