Nagpur News: लग्न समारंभाला जाऊन घरी परतणाऱ्या एका कुटुंबाचा समृद्धी मार्गावर अपघात झाला. गाडी अनियंत्रित झाली आणि दुभाजकाला धडकली. या अपघातात महिलेचा मृत्यू झाला, तर सून आणि मुलासह 5 नातेवाईक गंभीर जखमी झाले.
मिळालेल्या माहितीनुसार एका कुटुंबाचा समृद्धी मार्गावर अपघात झाला. गाडी खूप वेगाने जात होती आणि ड्रायव्हरला अचानक झोप लागली. गाडी अनियंत्रित झाली आणि दुभाजकाला धडकली. समृद्धी महामार्ग सर्कलजवळील वेणा नदीजवळ हा अपघात झाला. मृत महिलेचे नाव आशादेवी रमेशचंद्र लाहोटी असे आहे. पोलिसांनी दिलेल्या माहितीनुसार, लाहोटी कुटुंब लग्नासाठी कारने नागपूरला आले होते. मध्यरात्री असल्याने ड्रायव्हरला झोप आली आणि अपघात झाला असे पोलिसांनी सांगितले. अपघात इतका भीषण होता की कारचे दोन तुकडे झाले. गाडीतील पाचही जण जखमी झाले. जखमींना एम्स रुग्णालयात दाखल करण्यात आले आहे. उपचारादरम्यान डॉक्टरांनी आशा देवी यांना मृत घोषित केले.
Edited By- Dhanashri Naik
