बीड जिल्ह्यातील मसाजोग गावचे सरपंच संतोष देशमुख यांच्या हत्येचे प्रकरण आता राजकीय विरोधासोबतच जातीय संघर्षाचे रूप घेत आहे. मराठा आरक्षणाचे कार्यकर्ते मनोज जरांगे यांच्यापाठोपाठ आता ओबीसी कार्यकर्ते लक्ष्मण हाके हेही हत्येविरोधात सुरू असलेल्या आंदोलनात उतरले आहेत. लक्ष्मण हाके यांनी जरांगे यांच्यावर जोरदार निशाणा साधला आहे.
इतर मागासवर्गीय (ओबीसी) कार्यकर्ते लक्ष्मण हाके यांनी बुधवारी मराठा समाजाच्या आरक्षणासाठी आंदोलन करणारे मनोज जरांगे आणि भारतीय जनता पक्षाचे आमदार सुरेश धस यांच्यावर सरपंच संतोष देशमुख खून प्रकरणाचे गांभीर्य कमी केल्याचा आरोप केला.
बीड जिल्ह्यातील मसाजोग गावचे सरपंच देशमुख यांचे 9 डिसेंबर रोजी अपहरण करून ह्त्या करण्यात आली होती . पाणचक्की प्रकल्पाशी संबंधित ऊर्जा कंपनीविरुद्ध खंडणीचे प्रयत्न थांबवण्यासाठी त्यांची हत्या करण्यात आल्याचा आरोप आहे. त्याच्या हत्येप्रकरणी पोलिसांनी आतापर्यंत 7 जणांना अटक केली आहे.
मराठा आरक्षणाचे कार्यकर्ते मनोज जरांगे यांच्यावर हल्ला करताना हाके म्हणाले, “तो अपघाताने नेता झाला. त्यांना आरक्षणाच्या मुद्द्याबद्दल काहीच माहिती नाही… एक काळ असा होता की मुस्लिमांना टार्गेट केले जायचे, मग दलितांना. मात्र आता अलीकडे ओबीसी समाजातील सदस्यांना लक्ष्य केले जात आहे.
परभणीतील हिंसाचारानंतर न्यायालयीन कोठडीत मृत्युमुखी पडलेल्या सोमनाथ सूर्यवंशी यांच्या कुटुंबीयांची भेट का घेतली नाही, असा सवालही हॉके यांनी राष्ट्रवादी काँग्रेसचे (एसपी) अध्यक्ष शरद पवार यांच्यावर केला.
