मुंबई : मनी लॉन्ड्रिंग प्रकरणी तुरुंगात असलेले मंत्री आणि राष्ट्रवादीचे नेते नवाब मलिक यांना पुन्हा एकदा मोठा झटका बसला आहे. न्यायालयाने आज 18 एप्रिलपर्यंत न्यायालयीन कोठडी वाढवली आहे. एकीकडे विरोधी पक्ष भारतीय जनता पक्ष या संपूर्ण प्रकरणात नवाब मलिक यांच्या राजीनाम्याची मागणी करत असताना दुसरीकडे पक्षाने मलिक यांना राजीनामा न देण्यास सांगितले आहे.
याआधी न्यायालयाने नवाब मलिक यांच्या न्यायालयीन कोठडीत ४ एप्रिलपर्यंत वाढ केली होती, त्यानंतर त्यांना बेड, गद्दा आणि खुर्ची देण्याचीही परवानगी दिली होती. राष्ट्रवादीचे नेते नवाब मलिक सध्या न्यायालयीन कोठडीत असून ते मुंबईतील आर्थर रोड तुरुंगात आहेत. या सर्व परिस्थितीत नवाब मलिक यांनी आपली तात्काळ सुटका करण्याची अंतरिम याचिका फेटाळण्याच्या मुंबई उच्च न्यायालयाच्या आदेशाला आव्हान दिले आहे.
