नागपूर. भाजपचे प्रदेशाध्यक्ष चंद्रशेखर बावनकुळे यांचा मुलगा संकेत याच्या ऑडी कारला झालेल्या अपघात प्रकरणातील आरोपींच्या रक्त तपासणी अहवालात दारूचा साठा आढळून आला.
मिळालेल्या माहितीनुसार, फॉरेन्सिक तपासणीत आरोपींच्या रक्तात अल्कोहोल आढळून आले आहे. अपघातानंतर 7 तासांनी आरोपींची वैद्यकीय तपासणी करण्यात आली होती.
या संदर्भात डीसीपी राहुल मदने म्हणाले की, आरोपींचे रक्त तपासणीचे अहवाल प्राप्त झाले आहे. रिपोर्टनुसार या दोघांनी अगदी कमी प्रमाणात मद्य प्राशन केले होते. नियमानुसार कारवाई केली जाईल.तसेच पोलिसांवर कोणताही राजकीय दबाव नसून अपघाताचे सीसीटीव्ही फुटेज हटवण्यात आल्याचे वक्तव्य खरे नसल्याचेही त्यांनी स्पष्ट केले. मिळालेल्या माहितीनुसार कारमध्ये संकेत बावनकुळे असल्याची प्राथमिक चौकशीत पुष्टी झाली आहे. मात्र संकेतने दारूचे सेवन केले होते की नाही याबाबत अजून कोणतीही ठोस माहिती मिळालेली नाही.
पोलिसांनी धरमपेठेतील बारमधील सीसीटीव्ही रेकॉर्डिंगचा डीव्हीआर जप्त केला आहे ज्यामध्ये संकेत आणि त्याचे मित्र दारू प्यायले होते. बारच्या सीसीटीव्ही रेकॉर्डिंगमध्ये छेडछाड केल्याचा आरोप करण्यात येत आहे. पोलीस अधिकारींच्या म्हणण्यानुसार, हॉटेलचा डीव्हीआर जप्त करण्यात आला असून त्याची फॉरेन्सली तपासणी केली जाईल. यात कोणत्याही प्रकारची छेडछाड झाली असेल तर ते तपासात समोर येईल.
