यवतमाळमधील 104 सेतू केंद्र चालकांना नोटीस, ग्राहकांकडून जास्त पैसे घेतल्याचा आरोप

Yavatmal News: यवतमाळ जिल्ह्यात सेतू केंद्र चालकांकडून ग्राहकांकडून जादा दर आकारला जात आहे.या प्रकाराला आळा घालण्यासाठी जिल्हा कार्यालयाने अभिप्राय कक्ष तयार केला आहे. तसेच या कक्षाकडे दररोज असंख्य तक्रारी येत आहे. या गंभीर तक्रारीची दखल घेत जिल्हा प्रशासनाने 104 सेतू केंद्र चालकांना नोटीस बजावली आहे. तीन दिवसांत उत्तर सादर करण्याचे आदेश दिले आहे.

मिळालेल्या माहितीनुसार शैक्षणिक कागदपत्रांची पूर्तता करताना आवश्यक उत्पन्नाचा दाखला, नॉन क्रिमिलेअर लेअर, राहण्याचे ठिकाण इत्यादीसह विविध कागदपत्रे मिळविण्यासाठी सेतू केंद्रावर धाव घ्यावी लागते. आता ही सेतू केंद्रे ग्रामीण स्तरावर सुरू झाली आहे. त्यामुळे गावातील लोकांना मोठा दिलासा मिळाला आहे. प्रत्यक्षात यवतमाळ जिल्ह्यातील अनेक सेतू चालकांनी ग्रामीण स्तरावर सर्वसामान्य नागरिकांकडून पैसे गोळा केले आहे. हा प्रकार दिवसेंदिवस वाढत आहे. सर्वसामान्य नागरिक खोटे आरोप करत असल्याचे अनेक सेतू केंद्र चालकांनी सांगितले. या प्रकरणी केंद्रचालकाने यंत्रणा उलट तपासणी करून तपास करण्याची गरज असल्याचे मत व्यक्त केले आहे.

मिळालेल्या माहितीनुसार नोंदणी केलेल्या नागरिकांना सेवा कशी मिळते, त्यांच्याकडून पैसे घेतले जातात का, अशी विचारणा केली जात आहे. अनेक ग्राहकांच्या तक्रारीवरून जिल्हा प्रशासनाने 104 सेतू केंद्र चालकांना नोटिसा बजावल्या आहे. येत्या तीन दिवसांत उत्तर सादर करण्याचे आदेश देण्यात आले आहे. केंद्रचालक नागरिकांची लूट करत असल्याच्या तक्रारीची प्रशासन दखल घेत आहे.  

Edited By- Dhanashri Naik