Patra Chawl land scam: संजय राऊत तुरुंगातून बाहेर येणार

Patra Chawl land scam: शिवसेनेचे राज्यसभा खासदार संजय राऊत यांना न्यायालयाने जामीन मंजूर केला आहे. संजय राऊत बराच काळ तुरुंगात होते. पत्रा चाळ जमीन घोटाळाप्रकरणी मुंबईतील पीएमएलए कोर्टाने शिवसेनेच्या खासदाराला जामीन मंजूर केला आहे. आता राऊत लवकरच तुरुंगातून बाहेर येणार आहेत. संजय राऊतसोबतच त्याचा सहकारी प्रवीण राऊत यालाही न्यायालयाने जामीन मंजूर केला आहे. पत्रा चाळ जमीन घोटाळा प्रकरणात संजय राऊत यांना अंमलबजावणी संचालनालयाने (ईडी) ऑगस्टमध्ये अटक केली होती.

 पत्रा चाळ जमीन घोटाळा सुमारे 1,039 कोटी रुपयांचा आहे. या घोटाळ्याप्रकरणी अंमलबजावणी संचालनालयाने पीएमएलए अंतर्गत गुन्हा दाखल केला होता. त्यानंतर ईडीने खासदार संजय राऊत यांच्या घराची झडती घेतली. या झडतीत 11.5 लाख रुपये जप्त करण्यात आले. यापूर्वी, या वर्षी एप्रिलमध्ये, ईडीने संजय राऊत यांच्या पत्नी वर्षा राऊत आणि त्यांच्या निकटवर्तीयांची 11.15 कोटी रुपयांची मालमत्ता देखील जप्त केली होती.
Edited by : Smita Joshi