नागपूर : पान मसाला खाताना आणि रस्त्यावर थुंकणाऱ्यांची छायाचित्रे क्लिक करून वर्तमानपत्रात प्रसिद्ध करावीत, अशी सूचना केंद्रीय मंत्री नितीन गडकरी यांनी बुधवारी केली.
मिळालेल्या माहितीनुसार नागपुरात आयोजित स्वच्छ भारत अभियान कार्यक्रमाला संबोधित करताना ते म्हणाले की, पूर्वी मी माझ्या गाडीतून चॉकलेटचे रॅपर फेकत असे. आज मी जेव्हा चॉकलेट खातो तेव्हा त्याचे रॅपर घरी घेऊन डस्टबिनमध्ये टाकतो.
तसेच केंद्रीय मंत्री पुढे म्हणाले की, लोक खूप हुशार आहे. चॉकलेट खाल्ल्यानंतर ते लगेच त्याचे रॅपर फेकून देतात. पण, परदेशात गेल्यावर चॉकलेट खाल्ल्यानंतर ते चॉकलेटचे कव्हर खिशात ठेवतात. परदेशात त्याची वागणूक चांगली आहे.
तसेच आता सार्वजनिक ठिकाणी स्वच्छतेचा मुद्दा उपस्थित करत गडकरी म्हणाले की, लोक पान मसाला खातात आणि रस्त्यावर थुंकतात, याचे फोटो काढून ते वृत्तपत्रात प्रसिद्ध केले पाहिजेत. महात्मा गांधींनी असे प्रयोग केले होते, असा ही दावा त्यांनी केला.
Edited By- Dhanashri Naik
