Nagpur News : हिंदू नववर्ष गुढीपाडव्यानिमित्त पंतप्रधान नरेंद्र मोदी रविवार, ३० मार्च रोजी नागपूर शहरात पोहोचतील. पंतप्रधान मोदी विमानतळावर पोहोचल्यानंतर ते डॉ. हेडगेवार स्मृती भवन, नंतर दीक्षाभूमी आणि तेथून माधव भवन येथे जातील. अशी माहिती समोर आली आहे.
मिळालेल्या माहितीनुसार पंतप्रधानांच्या नियोजित भेटीच्या अनुषंगाने, नागपूरचे पोलिस आयुक्त डॉ. रवींद्र कुमार सिंघल, महानगरपालिका आयुक्त आणि प्रशासक डॉ. अभिजीत चौधरी यांनी भेटीच्या संपूर्ण मार्गाची पाहणी केली. तसेच महानगरपालिका आणि पोलीस प्रशासनाने संपूर्ण मार्गाला भेट देऊन पाहणी केली आणि आवश्यक सूचना दिल्या. पंतप्रधान मोदींच्या नागपूर दौऱ्याच्या तयारीची माहिती बावनकुळे यांनी दिली. पंतप्रधान नरेंद्र मोदींच्या नागपूर दौऱ्याबद्दल, महाराष्ट्राचे मंत्री आणि राज्य भाजप प्रमुख चंद्रशेखर बावनकुळे म्हणाले की, पंतप्रधान मोदी ज्या कार्यक्रमासाठी येत आहे तो माधव नेत्रालयाचा आहे, ते हेडगेवारजींनाही भेट देतील आणि नंतर दीक्षाभूमीला जातील. पंतप्रधानांचा दौरा चांगला व्हावा यासाठी आम्ही काम करत आहोत.
नागपूरमध्ये संघाला भेटणारे ते पहिले पंतप्रधान असतील
राष्ट्रीय स्वयंसेवक संघाच्या शताब्दी वर्षात ३० मार्च रोजी गुढीपाडव्यानिमित्त पंतप्रधान नरेंद्र मोदी रेशीमबाग येथील डॉ. हेडगेवार यांच्या समाधीला भेट देऊ शकतात. स्मारक समितीच्या वतीने भैयाजी जोशी पंतप्रधानांचे स्वागत करतील असे सांगितले जात आहे. तसेच, असे म्हटले जात आहे की जर असे झाले तर पंतप्रधान नरेंद्र मोदी हे नागपूरमधील राष्ट्रीय स्वयंसेवक संघाच्या मुख्यालयाला भेट देणारे पहिले पंतप्रधान असतील.
Edited By- Dhanashri Naik
