वडिलांनी कॉलेज फीच्या पैशातून गॅस सिलिंडर भरला, मुलाने जन्मदात्या वडिलांची केली निघृण हत्या; लातूर मधील घटना

लातूरच्या चाकूर तालुक्यातील हिंपळनेर गावात ही दुःखद घटना घडली. देविदास पांचाळ हे त्यांच्या कुटुंबासह गावात राहत होते. त्यांचा मुलगा चाकूर येथील एका महाविद्यालयात शिकत होता. मुलाने त्यांच्या वडिलांकडे कॉलेजच्या फी साठी पैसे मागितले, परंतु मुसळधार पावसामुळे कुटुंबाची आर्थिक परिस्थिती खालावली. स्वयंपाकाचा गॅस संपला होता आणि घरातले पैसे गॅस खरेदी करण्यासाठी खर्च झाले होते. जेव्हा वडिलांनी त्यांच्या मुलाला पैसे नसल्याचे सांगितले तेव्हा वाद झाला.

रागाच्या भरात मुलाने वडिलांच्या डोक्यात काठीने वार केले. जखमी देवीदास पांचाळ यांना ग्रामीण रुग्णालयात नेण्यात आले परंतु उपचारादरम्यान त्यांचा मृत्यू झाला. घटनेची माहिती मिळताच चाकूर पोलीस घटनास्थळी पोहोचले आणि त्यांनी आरोपी मुलाला ताब्यात घेतले. पोलिसांनी गुन्हा दाखल करून पुढील तपास सुरू केला आहे.   

Edited By- Dhanashri Naik