मार्च- एप्रिल 2022मध्ये होणारी इयत्ता बारावीच्या परीक्षेसाठी विद्यार्थ्यांना हॉल तिकीट उद्यापासून महाविद्यालयात उपलब्ध होणार. इयत्ता बारावीची परीक्षा ऑफलाईन पद्धतीने होणार असल्याचे शिक्षणमंत्री वर्षा गायकवाड यांनी स्पष्ट केले आहे. बारावीची परीक्षा 4 मार्च ते 30 मार्च या दरम्यान ऑफलाईन होणार आहे.
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने या बाबत प्रसिद्धी पत्रक दिले असून या पत्रकात नमूद केले आहे की या हॉल तिकीटाची प्रत ऑनलाईन डाउनलोड करून त्याचे प्रिंट काढून त्यावर मुख्याध्यपकांची सही व शिक्का घेऊन विद्यार्थ्यांना दिली जावी असे सांगण्यात आले आहे. हे हॉल तिकीट उद्या बुधवार पासून महाविद्यालयांना मंडळाच्या संकेत स्थळ
www.mahasscboard.in वरून डाउनलोड करून मिळतील.
