स्वाध्याय परिवाराचे प्रणेते परम पूजनीय पांडुरंगशास्त्री आठवले यांच्या पत्नी श्रीमती निर्मलाताई आठवले (ताई) यांचे सोमवारी ठाणे येथील तत्त्वज्ञान विद्यापीठातील त्यांच्या घरी दु:खद निधन झाले. त्या 90 वर्षांच्या होत्या.
निर्मलाताईंचा जन्म ३ ऑगस्ट १९२६ रोजी राजापूर तालुक्यात झाला. पांडुरंगशास्त्री आठवले यांच्याशी विवाह झाल्यानंतर निर्मलाताईंनी स्वत:ला स्वाध्याय कार्यात वाहून घेतले. स्वाध्याय कार्यात निर्मलाताईंचं योगदान मोठे होते . स्वाध्याय परिवारामध्ये त्या ‘ताई’ म्हणून ओळखल्या जात. पांडुरंगशास्त्रींच्या निधनानंतर निर्मलाताई ठाणे येथील तत्त्वज्ञान विद्यापीठातच वास्तव्याला होत्या. तिथं त्या स्वाध्याय परिवारातील बंधु-भगिनींना मार्गदर्शन करत.
