इंदूरहून जळगावला जात असताना, सकाळी फैजपूर आणि भुसावळ दरम्यान अमोदाजवळील आमोदा पुलावरून एक खाजगी ट्रॅव्हल्स बस खाली पडली. सुदैवाने नदीत पाणी नव्हते.
जळगावमध्ये एक भीषण अपघात घडला आहे. रविवारी सकाळी इंदूरहून जळगावला येणाऱ्या एका खाजगी बसला अपघात झाला. आमोदा नदीच्या पुलावरून एक खाजगी बस बॅरिकेड तोडून थेट नदीत पडली. या बसमध्ये मोठ्या संख्येने प्रवासी प्रवास करत होते. बस नदीत पडल्याने अनेक प्रवासी जखमी झाल्याचे सांगण्यात येत आहे. प्राथमिक माहितीनुसार, या अपघातात एकाचा मृत्यू झाला आहे.
इंदूरहून जळगावला जात असताना, सकाळी फैजपूर आणि भुसावळ दरम्यान आमोदा जवळील आमोदा पुलावरून एक खाजगी ट्रॅव्हल्स बस खाली कोसळली. सुदैवाने नदीत पाणी नव्हते. त्यामुळे मोठी दुर्घटना टळली. मात्र, दुर्दैवाने एका व्यक्तीचा मृत्यू झाल्याचे वृत्त आहे. बस नदीत उलटल्याने मोठ्या संख्येने नागरिक जखमी झाल्याचे सांगण्यात येत आहे.
अपघातात जखमी झालेल्या प्रवाशांना जवळच्या खाजगी रुग्णालयात दाखल करण्यात आले आहे. जखमींवर उपचार सुरू आहेत. या अपघातात तीन जणांचा मृत्यू झाला आहे आणि नदीत पाणी नसल्याने मोठी दुर्घटना टळली आहे, असे सांगण्यात येत आहे.
सकाळी 6 वाजताच्या सुमारास, आमोदा गावाजवळील नदीवरील पूल ओलांडत असताना, चालकाचा बसवरील ताबा सुटला. त्यामुळे बस थेट नदीत कोसळली. या अपघातात सुमारे 25 प्रवासी जखमी झाले आहेत, त्यापैकी काहींची प्रकृती गंभीर आहे.
दरम्यान, अपघाताची माहिती मिळताच, पोलिसांसह ग्रामस्थांनी घटनास्थळी पोहोचून मदतकार्य सुरू केले. जखमींना रुग्णालयात नेण्यास त्यांनी मदत केली. या संदर्भात फैजपूर पोलिस ठाण्यात गुन्हा दाखल करण्याचे काम सुरू आहे. या अपघातामुळे अमोदा गावाजवळील मोरांडी नदीवर बांधलेल्या पुलाच्या परिसरात अपघातांचा प्रश्न पुन्हा एकदा तापला आहे. या संदर्भात पावले उचलण्याची मागणी होत आहे.
