विधानसभा अध्यक्षपदाच्या निवडणुकीसाठी नियमांत बदल करण्याचे प्रकरण न्यायप्रविष्ट असल्याने निवडणुकीसाठी तारीख निश्चित करता येणार नाही, अशी भूमिका राज्यपाल भगतसिंह कोश्यारी यांनी घेतली आहे. राज्यपालांनी तसं पत्र विधिमंडळ सचिवालयाला पाठवलंय. त्यामुळे विधानसभा अध्यक्षांची निवड पुन्हा लांबणीवर गेलीय.
विधानसभा अध्यक्षपदासाठी बुधवारी निवडणूक घेण्याची महाविकास आघाडी सरकारची योजना होती. त्यानुसार राज्यपालांकडे परवानगी मागण्यात आली होती. राज्यपालांनी तारीख निश्चित केल्याशिवाय निवडणूक होऊ शकत नाही.
अध्यक्षपदासाठी गुप्तऐवजी खुल्या पद्धतीने मतदान घेण्यासाठी विधानसभा नियमांत डिसेंबर 2021मध्ये बदल करण्यात आले होते. या बदलांना भाजपचे आमदार गिरीश महाजन यांनी उच्च न्यायालयात आव्हान दिले असता न्यायालयाने याचिका फेटाळली होती.
