भरधाव वेगाने आलेल्या कारने दुसऱ्या कारला जोराची धडक दिल्याने भीषण अपघात झाला असून या अपघातात कारचालकासह एक अनोळखी इसम जागीच मृत्यूमुखी पडला आहे. ही घटना पुणे-सोलापूर महामार्गावर फुरसुंगी फाटा येथे घडली आहे.
या अपघातात 3 जण गंभीर जखमी झाले आहेत. कारचालक श्रीनिक प्रभाकर होले व एक अनोळखी इसम हे दोघे मयत झाले आहेत. तर दुसरा कारचालक अनिल मारुती जाधव यासह सुनिल निलेश शितकल व संकेत बाळु भंडलकर हे गंभीर जखमी झाले आहेत.
