सध्या राज्यात अवकाळी पाऊस आणि गारपिटीने शेतकऱ्यांचे मोठे नुकसान झाले असून पिके खराब झाली असून शेतकरी चिंतेत आहे. राज्यातील काही भागात पावसाचा मोठा फटका बसला असून पुढील काही तास देखील राज्यात वादळ असून विजांच्या कडकडाटासह पावसाची शक्यता वर्तवण्यात आली आहे.
हवामान खात्यानं ने पुणे, नाशिक, बीड, अहमदनगर, छत्रपती संभाजीनगर या जिल्ह्यात पावसाचा यलो अलर्ट दिला आहे.राज्यात आज देखील ढगाळी हवामान असून काही भागात पावसाची शक्यता वर्तवली आहे.
भारतीय हवामान खात्यानुसार आज जम्मू-काश्मीर, हिमाचल प्रदेश, मध्यप्रदेश, उत्तराखंड, महाराष्ट्रात हलका ते मध्यम पाऊस येण्याची शक्यता आहे. तर केरळ, माहे, तामिळनाडू, पुडुचेरी, मध्ये मुसळधार पावसाची शक्यता वर्तवण्यात आली आहे.
