सचिन वाझेंना नोकरीत कोणी घेतलं? अनिल देशमुखांचा सवाल

माजी गृहमंत्री अनिल देशमुख सचिन वाझे यांच्या नियुक्तीवरून माजी आयुक्त परमवीर सिंह यांच्याकडे बोट दाखवलं आहे.

सचिन वाझे फौजदार होते, त्यांना सरकारी नोकरीत घेण्याचा अधिकार हा आयुक्त पातळीवरचा होता. महाराष्ट्रात साडे सात हजार फौजदार आहेत. आयुक्तांनी कोणाला नोकरीत घेतलं, याची गृहमंत्र्यांना कल्पना नसते, असं अनिल देशमुख यांनी म्हटलं.

पण वाझेला नोकरीत घेतल्यानंतर काही तक्रारी माझ्या कानावर आल्या, त्यानंतर मी आयुक्त परमवीर सिंह यांना बोलावलं, वाझेबद्दलच्या तक्रारींबद्दल विचारलं. तेव्हा त्यांनी म्हटलं की, त्यांच्याबद्दल ज्या तक्रारी आहेत, त्या खोट्या आहेत. मी त्यांना 25-30 वर्षांपासून ओळखतो. मला त्यांची मदत होईल.

अनिल देशमुखांच्या या खुलाशांबद्दल लोकमतने वृत्त दिलं आहे.

सचिन वाझे हे मनसुख हिरेन हत्याप्रकरणातील प्रमुख आरोपी आहे. सध्या ते तुरुंगात आहेत.
Published By -Smita Joshi