राज्यात 31 जिल्ह्यांसाठी मुसळधार पावसाचा यलो अलर्ट

गेल्या चार दिवसांपासून मराठवाडा आणि पश्चिम महाराष्ट्रात मुसळधार पाऊस पडत आहे. उत्तर महाराष्ट्र आणि विदर्भातही पाऊस सुरूच आहे. हवामान खात्याने आजही मुसळधार पावसाचा अंदाज वर्तवला आहे. हवामान खात्याने 31जिल्ह्यांतील, म्हणजेच महाराष्ट्राच्या सुमारे 97 टक्के नागरिकांना या काळात सावधगिरी बाळगण्याचे आवाहन केले आहे.

भारतीय हवामान खात्याच्या मुंबई वेधशाळेने वर्तविलेल्या अंदाजानुसार, अहिल्यानगर, अकोला, अमरावती, बीड, भंडारा, बुलढाणा, चंद्रपूर, गडचिरोली, गोंदिया, हिंगोली, जालना, कोल्हापूर, लातूर, मुंबई शहर, मुंबई, नागपुर, नाशिक, नाशिक, नाशिक या जिल्ह्यांमध्ये पावसाचा यलो अलर्ट जारी करण्यात आला आहे. परभणी, पुणे, रायगड, रत्नागिरी, सांगली, सातारा, सिंधुदुर्ग, सोलापूर, ठाणे, वर्धा, वाशीम, यवतमाळ, छत्रपती संभाजीनगर  येथे यलो अलर्ट जारी केला आहे. 

मराठवाडा आणि पश्चिम महाराष्ट्रात , केवळ उभी पिकेच नाही तर लोकांची घरेही वाहून गेली आहेत. मोठ्या संख्येने जनावरे मृत्युमुखी पडली आहेत. या भागातील रहिवासी अजूनही या भयानक परिस्थितीतून बाहेर पडत आहेत. परिणामी, पुढील रविवारी होणारी एमपीएससी पूर्व परीक्षा पुढे ढकलण्यात आली आहे. ही परीक्षा आता पुढील महिन्यात 9 ऑक्टोबर रोजी होणार आहे.

सरकार नुकसानीचे मूल्यांकन करत आहे आणि लवकरच केंद्र सरकारच्या मदतीने एक मोठे मदत पॅकेज जाहीर करू शकते. कालच सरकारचे तीन प्रमुख मंत्री, मुख्यमंत्री देवेंद्र फडणवीस आणि त्यांचे दोन उपमुख्यमंत्री, एकनाथ शिंदे आणि अजित पवार यांनी शेतकरी बांधाला भेट दिली आणि पूर परिस्थितीचा आढावा घेतला. त्यानंतर, मुख्यमंत्री देवेंद्र फडणवीस काल केंद्रीय मदत मागण्यासाठी दिल्लीला रवाना झाले.

आज 27 सप्टेंबर रोजी नांदेड, लातूर, धाराशिव, सिंधुदुर्ग, रत्नागिरी, रायगड, ठाणे, मुंबई शहर आणि उपनगरे, पुणे घाट, सातारा घाट आणि कोल्हापूर घाट जिल्ह्यांसाठी ऑरेंज अलर्ट जारी करण्यात आला आहे . सर्व जिल्ह्यांना आगामी हवामान अंदाजांची माहिती देण्यासाठी आयएमडी आणि एनआरएससी सारख्या केंद्रीय संस्थांशी नियमितपणे संपर्क साधला जात आहे.

Edited By - Priya Dixit