मुंबई- मित्रपक्षांपैकी महादेव जानकर, सदाभाऊ खोत यांना मंत्रिपदं मिळाली, मग मलाच का डावललं? मुख्यमंत्री आणि भाजपनी दिलेला शब्द का पाळला नाही, असा सवाल शिवसंग्रामचे नेते विनायक मेटेंनी केला. संघर्ष सुरुच ठेवू असं म्हणत मेटेंनी भाजपविरोधात दंड थोपटल्याचं दिसतंय.
मंत्रिमंडळातून डावलल्यामुळे कार्यकर्त्यांमध्ये धोक्याची भावना बळावल्याचा आरोप मेटे यांनी केला. विधानपरिषदेच्या नवनिर्वाचित सदस्यांचा शपथविधी सोहळा पार पडला. दिवाकर रावते, रामराजे निंबाळकर, नारायण राणे, सुभाष देसाई, सदाभाऊ खोत अशा नेत्यांनी विधानपरिषदेत शपथ घेतली. मात्र मेटेंनी या सोहळ्याला दांडी मारली.
