रिओ-द-जिनेरिओ- अर्जेन्टीनाचा 1-0 असा धुव्वा उडवल्यानंतर जर्मनीने तब्बल 24 वर्षांनंतर चौथ्यांदा 'फिफा'च्या विश्वचषका आपले नाव कोरले. सबस्टिट्यूट फुटबॉलर म्हणून आलेल्या मारियो गोट्झा याने गोल झळकावत जर्मनीना विजय मिळवून दिला.
मारियो गोट्झाने 113 व्या मिनिटात आंद्रे शर्लेच्या पासवर गोल झळकावत जर्मनीच्या टीमला वर्ल्ड चॅम्पियन बनवले. एक्स्ट्रा टाईममध्ये गेलेल्या या मॅचमध्ये जर्मनीना अर्जेन्टाईन टीमवर 1-0 अशी करून विजयाला गवसणी घातली. फुटबॉलच्या इतिहासात पहिल्यांदाच अमेरिकन धर्तीवर युरोपियन टीम चॅम्पियन बनली आहे.
24 वर्ष जर्मनीच्या फुटबॉल फॅन्सनी आतूरतेने वाट पाहिली होती. तो क्षण अखेर मारियोच्या 'गोल्डन गोल'ने आपल्या फॅन्सना दाखवला. जर्मनीच्या प्रत्येक फुटबॉलरच्या चेहर्‍यावर विजेतेपदाचा आनंद ओसंडून वाहत होता. 90 मिनिटे दोन्ही टीम्सना गोल करण्यात अपयश आले होते. सामन्यात दोन्ही टीम्सने अफलातून खेळ केला.
अर्जेन्टाईन गोलकीपर सर्जियो रोमेरोनंही जर्मनी टीमचे अनेक प्रयत्न हाणून पाडले. मात्र, मॅचच्या 21 व्या मिनिटाला गोन्झालो हिग्वेनला गोल करण्याची नामी संधी चालून आली होती. मात्र, त्याला अर्जेन्टीनाला आघाडी मिळवून देता आली नाही आणि त्याची ही चूक अर्जेन्टीनाला चांगलीच महागात पडली. हिग्वेनने यानंतर गोल झळकावला खरा मात्र रेफ्रींनी तो ऑफसाईड ठरवला.
लिओनेल मेसीची जादूही या मॅचमध्ये पाहायला मिळाली नाही. त्याला आपल्या टीमसाठी फायनल मॅचमध्ये गोल करता आला नाही. निर्धारित 90 मिनिटांमध्ये दोन्ही टीम्सना गोल करता आला नाही आणि मॅच एक्स्ट्रा टाईममध्ये गेली.
जर्मनीचे कोच जोकिम लो यांनी मारियो गोट्झाला यावेळी गुरुमंत्र दिला. आणि लो यांचा तोच कानमंत्र यशस्वी ठरला. गोट्झाने गोल झळकावत आपल्या कोचचा विश्वास सार्थ ठरवला. गोट्झाने अफलातून गोल करत आपल्या टीमला विजय साकारुन दिला. या वर्ल्ड कपमध्ये पुन्हा एकदा सबस्टिट्यूट फुटबॉलरच टीमसाठी विजयाचा शिल्पकार ठरला.
