सायना हाँगकाँग ओपनच्या दुसर्या फेरीत
लंडन ऑलिम्पिकमध्ये कांस्यपदक पटकावणारी भारताची स्टार बॅडमिंटनपटू, सायना नेहवालने हाँगकाँग ओपन सुपर सीरीज बॅडमिंटन स्पर्धेत आपल्या मोहिमेची सकारात्मक सुरुवात करीत प्रतिस्पर्ध्यावर सरळ सेटमध्ये विजय मिळवित दुसर्या फेरीत धडक माली आहे. जागतिक क्रमवारीत तिसर्या क्रमांकावर असलेल्या सायनाने महिला एकेरीच्या पहिल्या फेरीत इंडोनेशियाच्या अपरिला युसवांदरीला 22-20, 21-8 अशा फरकाने पराभूत केले. सायनाला या सामन्यात सूर गवसण्यात वेळ लागला असला तरी, खेळ जसजसा पुढे जात राहिला, तशी सायनाने सामन्यावर पकड मजबूत केली.
