Asian Games 2023:आशियाई क्रीडा स्पर्धेचा सहावा दिवस आहे. भारताला सहाव्या दिवशी नेमबाजीत चार पदके मिळाली आहेत. टेनिसमध्ये रौप्यपदक जिंकले. यासह एकूण पदकांची संख्या आता 30 वर पोहोचली आहे. यापूर्वी, खेळांच्या पाचव्या दिवसापर्यंत भारत सहा सुवर्ण, आठ रौप्य आणि 11 कांस्यपदकांसह पाचव्या स्थानावर होता. आता भारताकडे आठ सुवर्ण, 11 रौप्य आणि 11 कांस्यपदक आहेत.
नेमबाजीत भारताला आज आणखी दोन पदके मिळाली. पलकने महिलांच्या 10 मीटर एअर पिस्तूल प्रकारात सुवर्णपदक जिंकले. तर ईशा सिंगने रौप्य पदक जिंकले. पाकिस्तानच्या किश्माला तलतला कांस्यपदकावर समाधान मानावे लागले. पलकने 242.1 आणि ईशानने 239.7 धावा केल्या. तर, किश्मलाने 218.2 गुण मिळवले. ईशाचे हे स्पर्धेतील चौथे पदक आहे.
नेमबाजीत भारताला आणखी एक पदक मिळाले आहे. भारताने 10 मीटर एअर पिस्तूल महिला सांघिक स्पर्धेत रौप्य पदक जिंकले. भारतीय महिला संघाच्या खेळाडू ईशा सिंग, पलक आणि दिव्या यांनी आश्चर्यकारक कामगिरी केली. या तिघांनी आशियाई क्रीडा स्पर्धेच्या चालू आवृत्तीत देशाला 26 वे पदक मिळवून दिले. ईशा सिंग, पलक आणि दिव्या यांचा संघ 1731-50 गुणांसह दुसऱ्या क्रमांकावर राहिला.
