स्टार शटलर किदाम्बी श्रीकांत आणि पीव्ही सिंधू यांना आपापल्या सामन्यात पराभवाचा सामना करावा लागला कारण सुदीरमन चषक स्पर्धेतील क गटातील दुसऱ्या सामन्यात भारत मलेशियाकडून 0-5 असा पराभूत झाला. एक दिवस अगोदर भारतीय संघाला चायनीज तैपेईविरुद्ध 1-4 असा पराभव स्वीकारावा लागला होता. मिश्र सांघिक चॅम्पियनशिपमध्ये भारताला सलग दुस-यांदा ग्रुप स्टेजमध्ये बाद व्हावे लागले
श्रीकांतला जागतिक क्रमवारीत आठव्या क्रमांकावर असलेल्या ली जी जियाकडून 16-21, 11-21 ने पराभव पत्करावा लागला. जागतिक क्रमवारीत12व्या क्रमांकावर असलेल्या सिंधूला गोहकडून 21-14, 10-21, 20-22 असे पराभव पत्करावे लागले. ध्रुव कपिला आणि अश्विनी पोनप्पा यांनी 35 मिनिटांत गोह सून आणि लेई शेव्हॉन जेमी यांच्याकडून 21-16, 21-17 अशी मात केली. तीन सामने गमावून भारत बाद झाला.
महिला दुहेरीत गायत्री गोपीचंद आणि ट्रीसा जॉली यांचा 15-21, 13-21 असा पराभव झाला. या गटातील अव्वल दोन संघ म्हणून चायनीज तैपेई आणि मलेशिया यांनी उपांत्यपूर्व फेरीत प्रवेश केला. भारताला आता शेवटच्या गट सामन्यात ऑस्ट्रेलियाशी सामना करायचा आहे. सिंधू म्हणाली की हे खूप निराशाजनक आहे. तिसर्‍या गेममध्ये मी आठ गुणांनी पिछाडीवर होते पण मी अंतर कमी करण्यात यशस्वी झाले आणि अखेरीस दोन गुणांनी पराभूत झाले . दुसऱ्या गेममध्ये माझ्याकडून चुका झाल्या. मी मारलेला प्रत्येक शॉट एकतर नेटमध्ये अडकत होता किंवा बाहेर पडत होता. तिसऱ्या गेममध्ये मला सुरुवातीपासूनच आघाडी घ्यायला हवी होती
