उत्तराखंडमधील पाच वर्षांचा तेजस तिवारी हा बुद्धिबळाच्या जागतिक प्रशासकीय मंडळ, FIDE कडून मानांकन मिळवणारा जगातील सर्वात तरुण खेळाडू ठरला आहे. त्याचे FIDE मानक रेटिंग 1149 आहे. FIDE नुसार, तेजसने प्रथम दिवंगत धीरज सिंग रघुवंशी खुल्या FIDE रेटिंग बुद्धिबळ स्पर्धेत रुद्रपूर, उत्तराखंड येथे पहिले रेटिंग (1149) मिळवले.
तेजसला खेळताना पाहून बुद्धिबळात रस निर्माण झाला. वयाच्या चौथ्या वर्षी जिल्हा आणि राज्यस्तरीय स्पर्धांमध्ये खेळायला सुरुवात केली आणि लवकरच तो राज्याबाहेरील राष्ट्रीय स्तरावरील स्पर्धांमध्ये भाग घेऊ लागला.
तेजस ने चार वर्ष आणि तीन महिन्याच्या वयात पहिली FIDE स्पर्धा खेळली होती.
2022 मध्ये उत्तराखंड राज्य खुल्या स्पर्धेच्या आठ वर्षांखालील गटात तो अव्वल ठरला. तेजसचे वडील शरद तिवारी, जे तेजसचे प्रशिक्षक आहेत, म्हणाले, "तो हल्द्वानीच्या दिक्षांत इंटरनॅशनल स्कूलमध्ये यूकेजीमध्ये शिकतो आणि दिवसातून दोन ते तीन तास सराव करतो. एक दिवस ग्रँडमास्टर आणि वर्ल्ड चॅम्पियन बनण्याचे त्याचे ध्येय आहे. त्याचवेळी, FIDE ने ट्विटरवर लिहिले की, 'तेजस तिवारी हा FIDE रेटिंग मिळवणारा सर्वात तरुण खेळाडू आहे. तो पाच वर्षांचा आहे आणि त्याचे रेटिंग 1149 आहे.
