भारताच्याच लक्ष्य सेनला नमवत किदंबी श्रीकांतने स्पेनमध्ये सुरू असलेल्या बॅडमिंटन वर्ल्ड चॅम्पियनशिप स्पर्धेच्या अंतिम फेरीत धडक मारली. या स्पर्धेच्या इतिहासात पुरुष गटात अंतिम फेरीत आगेकूच करणारा तो पहिला भारतीय खेळाडू ठरला आहे.
याआधी प्रकाश पदुकोण आणि बी.साईप्रणीत यांनी जागतिक अजिंक्यपद स्पर्धेत पदकावर नाव कोरलं आहे. सेमी फायनलच्या चुरशीच्या लढतीत श्रीकांतने लक्ष्यवर 17-21, 21-14, 21-17 असा विजय मिळवला.
रविवारी होणाऱ्या अंतिम फेरीत श्रीकांतची डेन्मार्कचा तृतीय मानांकित अँडर्स अ‍ॅन्टोन्सेन आणि सिंगापूरचा लोह कीन येव यांच्यातील विजेत्याशी गाठ पडेल.
