नौदलाच्या किरण जाधवने 15 व्या लक्ष्य चषक निमंत्रण स्पर्धेत अनेक नामवंत नेमबाजांना पराभूत करत 10 मीटर एअर रायफल सुवर्णपदक जिंकले. 2018 पासून प्रत्येक वेळी अंतिम फेरीत प्रवेश करणाऱ्या 29 वर्षीय जाधवने 251.7 गुणांसह प्रथमच विजेतेपद पटकावले.
जाधवने महाराष्ट्राच्या गजानन खंडागळे (250.9) आणि मोहित गौडा (229.3) यांचाही पराभव करून सुवर्णपदक जिंकले. पॅरिस ऑलिम्पिकच्या अंतिम फेरीत पोहोचणारा रेल्वेचा अर्जुन बबुता हा विजेतेपदाचा प्रबळ दावेदार मानला जात होता पण तो 208.2गुणांसह चौथ्या स्थानावर राहिला. पुरुष आणि महिला राष्ट्रीय एअर रायफल चॅम्पियन अनुक्रमे साहू माने आणि अनन्या नायडू अंतिम फेरीत प्रवेश करू शकले नाहीत.
