पॅरिस ऑलिम्पिकमध्ये दोन ऑलिम्पिक पदके जिंकणारी भारतीय महिला नेमबाज मनू भाकर आणि जागतिक बुद्धिबळ चॅम्पियनशिप विजेते भारतीय ग्रँडमास्टर डी गुकेश यांच्यासह चार खेळाडूंना खेलरत्न पुरस्काराने सन्मानित करण्यात येणार आहे. क्रीडा मंत्रालयाने गुरुवारी राष्ट्रीय क्रीडा पुरस्कार 2024 जाहीर केले. राष्ट्रपती द्रौपदी मुर्मू 17 जानेवारी रोजी राष्ट्रपती भवनात विजेत्यांचा सत्कार करतील.
मनू आणि गुकेश यांच्याशिवाय भारतीय पुरुष हॉकी संघाचा कर्णधार हरमनप्रीत सिंग आणि पॅरालिम्पियन प्रवीण कुमार यांनाही खेलरत्न पुरस्काराने सन्मानित करण्यात येणार आहे. क्रीडा मंत्रालयाने एका निवेदनात म्हटले आहे की, समितीच्या शिफारशी आणि सरकारने केलेल्या तपासणीच्या आधारे खेळाडू, प्रशिक्षक, विद्यापीठांना पुरस्कार देण्याचा निर्णय घेण्यात आला आहे.
मनू-हरमनप्रीतने ऑलिम्पिकमध्ये, गुकेशने वर्ल्ड चॅम्पियनशिपमध्ये छाप पाडली
22 वर्षीय मनू, ऑगस्टमध्ये पॅरिस ऑलिम्पिकमध्ये 10 मीटर एअर पिस्तूल वैयक्तिक आणि मिश्र सांघिक स्पर्धेत कांस्यपदक जिंकून एकाच ऑलिम्पिकमध्ये दोन पदके जिंकणारी स्वतंत्र भारतातील पहिली खेळाडू ठरली. पॅरिस ऑलिम्पिकमध्येच हरमनप्रीत सिंगच्या नेतृत्वाखाली भारताने सलग दुसऱ्या ऑलिम्पिकमध्ये पदक जिंकले. 18 वर्षीय गुकेश हा सर्वात तरुण विश्वविजेता ठरला आणि गेल्या वर्षी बुद्धिबळ ऑलिम्पियाडमध्ये भारतीय संघाला ऐतिहासिक सुवर्णपदक मिळवून देण्यातही त्याचा महत्त्वाचा वाटा होता. पॅरा हाय जम्पर प्रवीणने पॅरिस पॅरालिम्पिकमध्ये T64 प्रकारात सुवर्णपदक जिंकले. ही खेळाडूंची एक श्रेणी आहे ज्यांचे एक किंवा दोन्ही पाय गुडघ्याखाली नाहीत आणि ते धावण्यासाठी कृत्रिम पायावर अवलंबून आहेत.
34 खेळाडूंना अर्जुन पुरस्कार देण्यात येणार आहे
खेलरत्न व्यतिरिक्त 34 खेळाडूंना 2024 मध्ये क्रीडा क्षेत्रातील त्यांच्या उत्कृष्ट कामगिरीसाठी अर्जुन पुरस्काराने सन्मानित केले जाईल, त्यापैकी ऍथलीट सुचा सिंग आणि पॅरा जलतरणपटू मुरलीकांत राजाराम पेटकर यांना अर्जुन पुरस्कार जीवनगौरव पुरस्काराने सन्मानित केले जाईल. उत्तम कोचिंग दिल्याबद्दल पाच जणांना द्रोणाचार्य पुरस्कार मिळेल, ज्यामध्ये बॅडमिंटन प्रशिक्षक एस मुरलीधरन आणि फुटबॉल प्रशिक्षक अरमांडो अग्नेलो कोलाको यांचा आजीवन श्रेणीत समावेश करण्यात आला आहे. फिजिकल एज्युकेशन फाऊंडेशन ऑफ इंडियाला राष्ट्रीय क्रीडा प्रोत्साहन पुरस्कार देण्यात येणार आहे. दरम्यान, चंदिगड विद्यापीठाला मौलाना अबुल कलाम आझाद (MAKA) करंडक एकूण विद्यापीठ विजेता म्हणून मिळेल. लव्हली प्रोफेशनल युनिव्हर्सिटी फर्स्ट रनर अप तर अमृतसर गुरु नानक देव युनिव्हर्सिटी सेकंड रनर अप ठरली.
राष्ट्रीय क्रीडा पुरस्कार 2024 विजेत्यांची यादी
अर्जुन पुरस्कार
ज्योती याराजी- ऍथलेटिक्स
अन्नू राणी - ऍथलेटिक्स
नीतू- बॉक्सिंग
स्वीटी -बॉक्सिंग
वंतिका अग्रवाल -बुद्धिबळ
सलीमा टेटे -हॉकी
अभिषेक -हॉकी
संजय -हॉकी
जर्मनप्रीत सिंग -हॉकी
सुखजित सिंग -हॉकी
राकेश कुमार - पॅरा-तिरंदाजी
प्रीती पाल - पॅरा-ॲथलेटिक्स
सचिन सर्जेराव खिलारी - पॅरा ॲथलेटिक्स
धरमबीर - पॅरा ॲथलेटिक्स
प्रणव सुरमा - पॅरा ॲथलेटिक्स
एच होकाटो सेमा - पॅरा ऍथलेटिक्स
सिमरन - पॅरा ॲथलेटिक्स
नवदीप - पॅरा ॲथलेटिक्स
तुलसीमती मुरुगेसन - पॅरा बॅडमिंटन
नित्य श्री सुमथी शिवन - पॅरा बॅडमिंटन
मनीषा रामदास - पॅरा बॅडमिंटन
कपिल परमार -पॅरा ज्युडो
मोना अग्रवाल - पॅरा शूटिंग
रुबिना फ्रान्सिस - पॅरा शूटिंग
स्वप्नील सुरेश कुसळे - शूटिंग
सरबज्योत सिंग - शूटिंग
अभय सिंग - स्क्वॉश
साजन प्रकाश - पोहणे
अमन सहवरत - कुस्ती
अर्जुन पुरस्कार (आजीवन)
सुचा सिंग -ॲथलेटिक्स
मुरलीकांत राजाराम पेटकर -पॅरा जलतरणपटू
द्रोणाचार्य पुरस्कार
सुभाष राणा -पॅरा नेमबाजी (नियमित श्रेणी)
दीपाली देशपांडे -नेमबाजी (नियमित श्रेणी)
संदीप सांगवान -हॉकी (नियमित श्रेणी)
एस मुरलीधरन -बॅडमिंटन (आजीवन श्रेणी)
अरमांडो अग्नेलो कोलाको -फुटबॉल (आजीवन श्रेणी)
मौलाना अबुल कलाम आझाद करंडक
चंदिगड विद्यापीठ एकूण विजेता
लव्हली प्रोफेशनल युनिव्हर्सिटी 1ली रनर अप
अमृतसर गुरु नानक देव विद्यापीठ द्वितीय उपविजेते
राष्ट्रीय क्रीडा प्रोत्साहन पुरस्कार
फिजिकल एज्युकेशन फाउंडेशन ऑफ इंडिया
