भारताचा पॅरा बॅडमिंटनपटू नितीश कुमारने चमकदार कामगिरी करत सोमवारी पॅरिस पॅरालिम्पिकमध्ये सुवर्णपदक जिंकले. त्याने ब्रिटीश पॅरा बॅडमिंटनपटू डॅनियल बेथेलचा पुरुष एकेरीच्या SL3 प्रकारातील पदक सामन्यात 21-14, 18-21, 23-21 असा पराभव केला.
नितीशने या सामन्यातील पहिला गेम 21-14 असा जिंकला. तथापि, तो दुसऱ्या गेममध्ये मागे पडला आणि बेथेलने गेम 18-21 ने जिंकला. तिसऱ्या गेममध्ये दोन्ही खेळाडूंमध्ये अतिशय चुरशीची स्पर्धा पाहायला मिळाली आणि एका क्षणी स्कोअर 20-20 पर्यंत पोहोचला. मात्र, नितीशने 23-21 असा गेम जिंकून सुवर्णपदक जिंकले.
पॅरिस पॅरालिम्पिकमध्ये भारताला मिळालेले हे 9 वे पदक आहे या मध्ये दोन सुवर्ण पदकांचा समावेश आहे. या पूर्वी अवनी लेखरा हिने नेमबाजीत सुवर्ण पदक पटकावले आहे.
