भारतीय महिला संघाने सोमवारी येथे जर्मनीविरुद्धच्या पराभवातून सावरत इजिप्तचा 3-1 असा धुव्वा उडवून जागतिक टेबल टेनिस स्पर्धेच्या उपउपांत्यपूर्व फेरीचे तिकीट निश्चित केले. जी साथियानच्या नेतृत्वाखालील पुरुष संघाने कझाकस्तानला 3-2 असे नजीकच्या लढतीत पराभूत करून बाद फेरी गाठण्याच्या आशा जिवंत ठेवल्या.
महिलांच्या स्पर्धेत, राष्ट्रकुल क्रीडा स्पर्धेत मिश्र दुहेरीची सुवर्णपदक विजेती श्रीजा अकुला हिने इजिप्तविरुद्धचा पहिला आणि चौथा सामना जिंकून बाद फेरीतील भारताचे स्थान निश्चित केले. जर्मनीविरुद्धच्या निराशाजनक कामगिरीनंतर अनुभवी मनिका बत्राने सामना जिंकला, पण दिया चितळेकडून तिला पराभव पत्करावा लागला. श्रीजाने गोदा हानचा 11-6-11-4, 11-1 आणि दिना मिश्रफचा 11-8, 11-8, 9-11, 11-6 असा तर मनिकाने दिनाला 8-11, 11-6, 11-7, 2 -11, 11-8.असे पराभूत केले.
