तेलंगणाचे मुख्यमंत्री के चंद्रशेखर राव यांच्या हेलिकॉप्टरमध्ये तांत्रिक बिघाड

Telangana Election News : तेलंगणाचे मुख्यमंत्री आणि भारत राष्ट्र समितीचे (BRS) प्रमुख के. चंद्रशेखर राव यांना घेऊन जाणारे हेलिकॉप्टर सोमवारी टेक ऑफ केल्यानंतर काही मिनिटांत तांत्रिक बिघाडामुळे त्यांच्या फार्म हाऊसवर परतले.

राव देवराकडरा येथे जात होते जिथे ते एका निवडणूक सभेला संबोधित करणार होते. तांत्रिक बिघाडामुळे हेलिकॉप्टरला टेकऑफ झाल्यानंतर 10 मिनिटांनी मुख्यमंत्र्यांच्या फार्महाऊसवर परतावे लागले.

सतर्क वैमानिकाने हेलिकॉप्टर मुख्यमंत्र्यांच्या फार्म हाऊसकडे वळवले आणि ते सुखरूप उतरले. संबंधित विमान कंपनी मुख्यमंत्र्यांसाठी दुसऱ्या हेलिकॉप्टरची व्यवस्था करत आहे.

आणखी एक हेलिकॉप्टर थोड्याच वेळात फार्महाऊसवर पोहोचेल आणि राव यांची आजची निवडणूक रॅली ठरल्याप्रमाणे सुरू राहणार असल्याचे सांगण्यात आले.