Yoga for Hair Fall: केस गळणे ही एक सामान्य समस्या बनली आहे, ज्यामुळे केवळ महिलाच नाही तर पुरुष देखील त्रस्त आहेत. विशेषत: आजचे धकाधकीचे जीवन आणि त्यातून निर्माण होणारा ताण यामुळे ही समस्या झपाट्याने वाढली आहे.
अशा परिस्थितीत योग्य आहार, उपचार आणि केसांची देखभाल खूप महत्त्वाची ठरते.आजच्या काळात बहुतेक महिला आणि पुरुषांना केस गळण्याची समस्या भेडसावत आहे. हे टाळण्यासाठी, लोक सहसा उत्पादनांमध्ये हजारो रुपये खर्च करतात. अशी काही साधी योगासने आहेत जी केसगळती रोखून केस मजबूत आणि निरोगी बनविण्यास मदत करतात.चला तर मग जाणून घेऊ या
1 कपालभाती-
* वज्रासन किंवा पद्मासनाच्या स्थितीत जमिनीवर बसा.
* हाताची पहिली बोट आणि अंगठा जोडून मुद्रा करा.
* तळहाताचा भाग वरच्या बाजूला ठेवून हात गुडघ्यावर ठेवा.
* एक दीर्घ श्वास आत घ्या आणि जोरात बाहेर सोडा. यानंतर, श्वास आत घेत राहा.
2 अनुलोम विलोम-
* मांडी घालून जमिनीवर बसा.
* उजव्या हाताच्या अंगठ्याने नाकाची उजवी बाजू दाबा आणि नाकाच्या डाव्या बाजूने श्वास घ्या.
* अनामिक बोटाने डावा भाग दाबा आणि उजव्या नाकपुडीतून श्वास सोडा.
* या संपूर्ण क्रियेची पुनरावृत्ती करा, डाव्या आणि उजव्या बाजूंमध्ये बदल करा.
3 सर्वांगासन-
* सर्वपथम पाठीवर झोपा आणि दोन्ही हात मांड्याजवळ ठेवा.
* आपले पाय हळू हळू वर करा आणि 90 अंश कोनात आणा.
* कोपरे जमिनीवर ठेवून, कमरेला हाताने आधार द्या आणि हळूहळू पाय डोक्याच्या दिशेने आणायला सुरुवात करा.
* पाय डोक्याच्या दिशेने आणा, पायाची बोटे जमिनीवर ठेवा. कंबरेवरून हात काढून सरळ जमिनीवर ठेवा.
* थोडा वेळ अशा स्थितीत राहा आणि नंतर हळू हळू झोपलेल्या स्थितीत परत या.
4 शीर्षासन -
* वज्रासनाच्या स्थितीत बसा आणि हात पुढे करत असताना कोपरे जमिनीवर ठेवा.
* दोन्ही हातांची बोटे घट्ट जोडून ,डोक्याच्या मध्यभागी घेऊन खाली टेकवून घ्या.
* पायाच्या बोटांच्या मदतीने खालचा भाग वर आणा, यामुळे शरीर त्रिकोणाच्या आकारात येईल.
* कोपऱ्यांना जमिनीवर घट्ट टेकवून ठेवा आणि हळूहळू पाय वर करा.
*,दोन्ही पाय एकत्र उचलण्याऐवजी, तुम्ही त्यांना एक-एक करून उचलू शकता.
* काही वेळ या स्थितीत राहा आणि नंतर पाय हळूहळू खाली आणा. संपूर्ण आसन पुन्हा करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे. या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
