माजी पोलीस आयुक्त परमबीर सिंह आणि पोलीस अधिकारी सचिन वाझे यांनी स्वत:ला वाचवण्यासाठी हातमिळवणी करून माझ्यावर आरोप केले असं अनिल देशमुख यांनी सीबीआयच्या विशेष न्यायालयात सांगितलं आहे.
न्यायलयाने सीबीआयला देशमुखांच्या जामीन अर्जावर 14 ऑक्टोबरपर्यंत उत्तर देण्याचे आदेश दिले आहेत. लोकमतने ही बातमी दिली आहे.
आपल्यावरील सर्व आरोप तपास यंत्रणांच्या इच्छा आणि कल्पनांवर आधारित आहेत, असं त्यांनी म्हटलं आहे. देशमुख यांनी सीबीआयने ज्या जबाबांचा आधार घेऊन गुन्हा नोंदवला आहे त्याच्या विश्वासार्हतेवर प्रश्नचिन्ह निर्माण केलं आहे.
संपूर्ण प्रकरण परमबीर सिंह आणि सचिन वाझे यांच्या जबाबावर आधारित आहे. वाझे स्वत: अनेक प्रकरणात अडकला आहे. हे सिद्ध करण्यासाठी अनेक पुरावे आहेत. दोघांनी स्वत:ला वाचवण्यासाठी माझ्यावर आरोप केले आहेत, असं देशमुख यांनी त्यांच्या अर्जात म्हटलं आहे.
Published By -Smita Joshi
