प्रसिद्ध बॉलीवूड अभिनेत्री नीना गुप्ता यांची मुलगी मसाबा गुप्ता तिच्या व्यावसायिक आयुष्याव्यतिरिक्त तिच्या वैयक्तिक आयुष्यामुळे चर्चेत असते. आता नीना गुप्ता यांची मुलगी मसाबाच्या घरात गोंडस मुलीने जन्म घेतला आहे.
मसाबा गुप्ता आणि त्यांचे पती सत्यदीप मिश्रा यांनी जाहीर केले होते की त्यांना त्यांच्या पहिल्या अपत्याची अपेक्षा आहे. आता या जोडप्याने मुलीच्या जन्माची आनंदाची बातमी दिली आहे.
12 ऑक्टोबर, दसऱ्याच्या दिवशी, मसाबा गुप्ता आणि सत्यदीप मिश्रा यांनी इंस्टाग्रामवर एक घोषणा पोस्ट केली, ज्यामध्ये त्यांनी त्यांच्या मुलीच्या जन्माची माहिती शेअर केली आहे. मसाबाने शेअर केलेल्या पोस्टमध्ये असे लिहिले आहे की, “आमची अतिशय खास लहान मुलगी 11.10.2024 रोजी एका खास दिवशी आली.” चाहत्यांनी देखील अभिनेत्रीला खूप शुभेच्छा आणि अभिनंदन केले. इतकंच नाही तर अनेक बॉलिवूड सेलिब्रिटीही मसाबाला शुभेच्छा देताना दिसत आहेत.
बिपाशा बसूने लिहिले, "अभिनंदन". दिया मिर्झा, शिल्पा शेट्टी, रिया कपूर, स्मृती इराणी, हुमा कुरेशी, अर्चना पूरण सिंग आणि रिचा चढ्ढा यांनी नवीन पालकांना शुभेच्छा दिल्या.
