साऊथ सुपरस्टार प्रभासच्या 'कल्की 2898 AD' या चित्रपटाने जगभरात जबरदस्त यश मिळवले आहे. नाग अश्विन दिग्दर्शित, या चित्रपटात अमिताभ बच्चन, कमल हासन, दीपिका पदुकोण आणि दिशा पटानी यांच्यासह उत्कृष्ट कलाकार आहेत. वैजयंती मूव्हीज निर्मित, हा चित्रपट 27 जून रोजी जगभरातील चित्रपटगृहांमध्ये प्रदर्शित झाला.
'कल्की 2898 एडी'ने जगभरात 1100 कोटींहून अधिक कमाई केली आहे. या चित्रपटाला अजूनही चांगला प्रतिसाद मिळत आहे. दरम्यान निर्मात्यांनी एक खास ऑफर आणली आहे. निर्मात्यांनी चित्रपटाच्या तिकीट दरात कपात करून प्रेक्षकांना एक भेट दिली आहे.
कल्की 2898 एडीच्या निर्मात्यांनी सोशल मीडियावर जाहीर केले आहे की 2 ऑगस्टपासून कल्की एका आठवड्यासाठी फक्त 100 रुपयांमध्ये पाहता येईल.
सोशल मीडियावर कल्की 2898 एडीचे पोस्टर शेअर करताना निर्मात्यांनी लिहिले, धन्यवाद हा खूप छोटा शब्द आहे. या आठवड्यात आम्ही तुमचे कौतुक करत आहोत. महाकाव्य मेगा ब्लॉकबस्टर Kalki 2898 AD चा फक्त 100 रुपयांमध्ये आनंद घ्या. 2 ऑगस्टपासून संपूर्ण भारतातील चित्रपटगृहांमध्ये एका आठवड्यासाठी उपलब्ध.
