Google's 25th birthday: सध्या इंटरनेटचे युग आहे. इंटरनेटमुळे आपण जगाच्या पाठीवर कुठे ही जाऊ शकतो .काहीही माहिती मिळवायची असेल तर आपण गुगलचा वापर सर्रास करतो. गुगल हे जगातील सर्वात मोठे सर्च इंजिन आहे. गुगलचा आज म्हणजे 27 सप्टेंबर 2023रोजी 25 वा वाढदिवस आहे.गुगलचा वाढदिवस गुगलने डुडल द्वारे साजरा केला आहे.
90 च्या दशकाच्या उत्तरार्धात, दोन समविचारी डॉक्टरेट विद्यार्थी स्टॅनफोर्ड विद्यापीठात कम्प्युटर सायन्सची पदवी घेत असताना एकमेकांना भेटले. त्यांचे नाव सर्गे ब्रिन आणि लॅरी पेज होते , ज्यांना वर्ल्ड वाइड वेब अधिक सोपे आणि चांगले बनवायचे होते.त्यांनी सर्च इंजिन तयार करण्यास सुरुवात केली.
त्यांच्या वसतिगृहाच्या खोलीत, दोन्ही विद्यार्थ्यांनी नवीन आणि सुधारित शोध इंजिनच्या प्रोटोटाइपवर काम करण्यास सुरुवात केली. त्यांनी भाड्याच्या गॅरेजमध्ये त्यांचे पहिले कार्यालय सुरू केले आणि 27 सप्टेंबर 1998 रोजी Google Inc. चा जन्म झाला.
गुगल हा शब्द खरंतर ‘Googol’ या शब्दाचं बदललेलं रुप आहे. एकावर शंभर शून्य दिल्यानंतर जी संख्या तयार होते, तिला गुगोल म्हणतात. यापासूनच गुगलचं नाव देण्यात आले आहे.
या 25 वर्षांत गुगलने अनेक छोटे-मोठे बदल पाहिले आहेत. एका छोट्या गॅरेजपासून सुरू झालेल्या या कंपनीची आज जगातील टॉप टेक कंपन्यांमध्ये गणना होते. येत्या काळात गुगल अधिक चांगले बनण्याचा प्रयत्न करेल अशी आशा करत शुभेच्छा देऊ या.
