20 नोव्हेंबर रोजी 288 सदस्यांच्या महाराष्ट्र विधानसभेसाठी एकाच टप्प्यात मतदान होणार आहे. तर 23 नोव्हेंबरला मतमोजणी होणार आहे. मात्र अद्यापपर्यंत काँग्रेस, शिवसेना (यूबीटी) आणि राष्ट्रवादी काँग्रेस (एसपी) यांची आघाडी असलेल्या महाविकास आघाडीने (एमव्हीए) जागावाटपाची घोषणा केलेली नाही. दुसरीकडे, भाजपने रविवारी 99 उमेदवारांची पहिली यादी जाहीर केली.
महाराष्ट्र निवडणुकीवर काँग्रेसची मोठी बैठक होणार असून मंगळवारी उमेदवारांची घोषणा होण्याची शक्यता वर्तवली जात आहे.
महाराष्ट्र निवडणुकीसाठी उमेदवारांची नावे निश्चित करण्यासाठी काँग्रेसच्या केंद्रीय निवडणूक समितीची (CEC) सोमवारी दिल्लीत बैठक होत आहे. काँग्रेसच्या प्रदेश विभागातील प्रमुख नेत्यांनी हजेरी लावली. यादरम्यान जागावाटपाच्या मुद्द्यावर चर्चा केली जाईल आणि उमेदवारांची चाचपणीही केली जाईल. असे सांगण्यात येत आहे.
महाराष्ट्र काँग्रेसचे अध्यक्ष नाना पटोले म्हणाले, “आम्ही उद्या पहिली यादी जाहीर करू.सीईसी बैठकीला उपस्थित राहण्यासाठी गेलेले काँग्रेस नेते आणि महाराष्ट्राचे विरोधी पक्षनेते विजय वडेट्टीवार म्हणाले, “उद्या सायंकाळपर्यंत आम्ही 17 जागांवर निर्णय घेऊ.
महाराष्ट्र विधानसभा निवडणुकीच्या जागावाटपावरून शिवसेना (यूबीटी) आणि काँग्रेस यांच्यातील तणावाच्या पार्श्वभूमीवर काँग्रेसचे प्रदेश प्रभारी रमेश चेन्निथला यांनी शनिवारी शिवसेना (यूबीटी) प्रमुख आणि माजी मुख्यमंत्री उद्धव ठाकरे आणि राष्ट्रवादी काँग्रेसचे (एसपी) अध्यक्ष शरद पवार यांची भेट घेतली.
