Select Your Language

Notifications

webdunia
webdunia
webdunia
webdunia

श्रीकांत शिंदे यांनी उपमुख्यमंत्र्यांशी संबंधित अफवा फेटाळल्या

श्रीकांत शिंदे यांनी उपमुख्यमंत्र्यांशी संबंधित अफवा फेटाळल्या
, सोमवार, 2 डिसेंबर 2024 (15:49 IST)
Shrikant Shinde News: महाराष्ट्रात अद्याप मुख्यमंत्रीच्या नावावर सस्पेन्स आहे. दरम्यान कल्याणमधील शिवसेनेचे खासदार श्रीकांत शिंदे यांनी सोमवारी महाराष्ट्राचे मुख्यमंत्री होण्याचा अफवा फेटाळून लावल्या.ते म्हणाले मी राज्यात कोणत्याही मंत्रिपदासाठी निवडणूक लढवत नाही. त्यांनी सोशल मीडियाच्या माध्यमातून निवेदन दिले आहे. 
त्यांनी Xएक्स वर लिहिले की "निवडणुकीच्या निकालांनंतर सरकार स्थापनेला थोडा विलंब झाला असून अनेक अफवा निघत आहे. की मी नवीन सरकारमध्ये उपमुख्यमंत्री होणार. मी हे सर्वांना सांगू इच्छितो की हे पूर्णपणे निराधार आणि खोटे आहे. यात काहीही सत्य आणि तथ्य नाही. मला सत्तेत कोणत्याही पदाची इच्छा नाही असे त्यांनी म्हटले आहे. 
काळजीवाहू मुख्यमंत्री एकनाथ शिंदे हे दोन दिवस प्रकृती अस्वास्थ्यामुळे गावी गेले आणि तेथे विश्रांतीसाठी गेले, त्यामुळे अफवा पसरत आहेत.

लोकसभा निवडणुकीनंतर मला केंद्र सरकारमध्ये मंत्रीपदाची संधी मिळाली, पण तरीही पक्ष संघटनेसाठी काम करण्याचा विचार करून मी मंत्रीपद नाकारले. मला सत्तेत पदाची इच्छा नाही. मी पुन्हा एकदा स्पष्ट करतो की मी राज्यातील कोणत्याही मंत्रिपदाच्या शर्यतीत नाही. मी माझा लोकसभा मतदारसंघ आणि माझा पक्ष शिवसेनेसाठीच काम करणार आहे.मी माध्यमांचा उत्साह आणि स्पर्धा समजू शकतो, परंतु त्याच वेळी त्यांनी वस्तुस्थितीकडे डोळेझाक करू नये. मला आशा आहे की माझ्याबद्दलच्या अफवा आता थांबतील.”
Edited By - Priya Dixit

Share this Story:

Follow Webdunia marathi

पुढील लेख

शिवसेना शिंदे गटाचे नेते शिक्रापूरचे माजी उपसरपंच यांचा धारदार हत्याराने निघृण खून