काहीतरी तुज सांगावं, म्हणून कागदावर लिहिलं,
तू फक्त शब्दच वाचले, बाकी न तुज समजलं,
भावना माझ्या तुजपाशी न पोहोचल्या,
शब्दांत ही सांगू न शकले, लिहिलेल्या न समजल्या,
कळायला हवी न कधी अव्यक्त कुणाची भावना,
हृदयात प्रेम असावं लागतं, बोलायची गरज नसावी ना!
अबोलचं राहीले माझे प्रेम, न कधी बोलले ,
हृदयातच राहीले मिटून, कधी न उमलले,
आतां मज असं वाटे, बोलावयास हवं होतं !
पण नसेलच तू माझा, म्हणून च तसं घडत होतं!
अंतरी अजूनही ती सल आहे,मज बोचते,
एकांतात अश्रु वाटे, मग ती वाहते!
..अश्विनी थत्ते
