आपणा सर्वांना माहीत आहे की, वास्तुशास्त्राचा आपल्या जीवनाशी थेट संबंध आहे. असं म्हणतात की घरात ठेवलेल्या प्रत्येक वस्तू वास्तुनुसार असेल तर घरात सुख-समृद्धी राहते. अशा अनेक समस्या आहेत ज्यांच्या निराकरणासाठी लोक ज्योतिष आणि वास्तुची मदत घेतात. जर तुम्ही आर्थिक समस्यांनी त्रस्त असाल किंवा तुमच्या वैवाहिक जीवनात काही समस्या येत असतील तर घरात एक खास वस्तू ठेवणे तुमच्यासाठी फायदेशीर ठरेल आणि ते म्हणजे 'चांदीचा मोर'.
चांदी शुभ मानली जाते
हिंदू धर्मात चांदीला खूप शुभ मानले जाते आणि मोर देवांचा आवडता पक्षी आहे. अशा परिस्थितीत चांदीचा मोर घरात ठेवल्यास सकारात्मकता येते. तर, आज आम्ही तुम्हाला घरी चांदीचा मोर ठेवण्याचे फायदे सांगत आहोत-
ज्योतिष शास्त्रानुसार घरामध्ये ठेवल्याने नकारात्मकता दूर होते आणि सुख-समृद्धी येते. ड्रॉईंग रूममध्ये ठेवल्याने व्यक्तीचे अशुभ दूर होते आणि व्यक्तीला प्रत्येक कामात यश मिळते.
ज्या लोकांच्या वैवाहिक जीवनात कोणत्याही प्रकारची समस्या असेल त्यांनी आपल्या घरात चांदीच्या मोराची जोडी जरूर ठेवावी. असे म्हणतात की, यामुळे जीवनात प्रेम आणि शांती येते.
पूजेत चांदीचा वापर करणे खूप शुभ मानले जाते. अशा वेळी चांदीचा मोर घरच्या मंदिरात किंवा पूजास्थळी शांतपणे बसवून ठेवा. मान्यतेनुसार यामुळे तुम्हाला पूजेचे दुप्पट फळ मिळेल.
वास्तूनुसार कोणत्याही पौर्णिमेच्या दिवशी चांदीचा मोर घरी आणून तिजोरीत ठेवल्यास सौभाग्य प्राप्त होते.
चांदी हे सुख-समृद्धीचे प्रतिक मानले जाते हे तुम्हाला माहीत आहेच, त्यामुळे विवाहित महिलांनी सिंदूर मढवलेल्या पेटीत चांदीचा मोर ठेवावा. यामुळे त्यांना अखंड सौभाग्याचे वरदान मिळेल.
ज्योतिषी मानतात की ज्या लोकांना वैवाहिक जीवनात अडचणी येत आहेत किंवा प्रेमविवाह करू इच्छितात त्यांनी आपल्या खोलीत चांदीचा मोर ठेवावा, यामुळे प्रेम आणि विवाहाकडे कल वाढतो.
