Simlipal Sanctuary Odisha News : ओडिशाच्या सिमलीपाल व्याघ्र अभयारण्याच्या अधिकाऱ्यांनी महाराष्ट्राच्या ताडोबा-अंधारी व्याघ्र अभयारण्यातून आणलेल्या वाघिणी 'झीनत' हिला सोमवारी येथील जंगलात सोडले. एका अधिकाऱ्याने सोमवारी ही माहिती दिली. यापूर्वी महाराष्ट्रातील ताडोबा-अंधारी व्याघ्र प्रकल्पातून 'जमुना' नावाच्या वाघिणीला ओडिशात आणण्यात आले होते आणि तिला सिमिलीपाल व्याघ्र प्रकल्पात सोडण्यात आले होते.
सिमिलिपाल अभयारण्याचे क्षेत्र संचालक प्रकाश चंद गोगिनेनी यांनी सांगितले की, वाघिणी झीनतला रविवारी रात्री उत्तर विभागाच्या मुख्य भागात सोडण्यात आले. संध्याकाळी गेट उघडल्यानंतर रात्री 9.30 वाजता ती बाहेर आली. अधिकाऱ्याने सांगितले की, सिमिलीपाल उत्तर विभागाच्या 3 पथके या वाघिणीवर सतत नजर ठेवून आहेत. सिमिलीपाल अभयारण्यात आता दोन्ही वाघिणी मुक्तपणे फिरत असल्याचे त्यांनी सांगितले.
ओडिशाचे प्रधान मुख्य वनसंरक्षक (वन्यजीव) सुशांत नंदा यांनी 'X' वर एका पोस्टमध्ये सांगितले की, वाघिणी झीनतची आज तिच्या गुहेतून सुटका करण्यात आली. सिमिलीपालमध्ये या नवीन सदस्याच्या आगमनामुळे जनुकीय विविधतेला चालना मिळणार आहे.
