Select Your Language

Notifications

webdunia
webdunia
webdunia
webdunia

झारखंडमध्ये रेल्वे अपघातात दोघांचा मृत्यू

train accident
, मंगळवार, 30 जुलै 2024 (09:29 IST)
रांची: झारखंडमधील टाटानगर येथे मंगळवारी सकाळी मुंबई-हावडा सीएसएमटी मेलचे 18 डबे रुळावरून घसरले. या अपघातात 2 प्रवाशांचा मृत्यू झाला, तर 50 जण जखमी झाले. मात्र, रेल्वेकडून याला अधिकृत दुजोरा मिळालेला नाही.
 
रेल्वेचे पथक मदत आणि बचावकार्यात गुंतले आहे. अनेक प्रवाशांना जवळच्या रुग्णालयात दाखल करण्यात आले आहे. पाटणा येथून एनडीआरएफची टीम मदत आणि बचावासाठी पाठवण्यात आली आहे.


अपघात कसा झाला?
मिळालेल्या माहितीनुसार हावडा-मुंबई रेल्वे मार्गावरील चक्रधरपूरजवळील पोल क्रमांक 219 जवळ हा रेल्वे अपघात झाला. तसेच दोन दिवसांपूर्वी येथे मालगाडी रुळावरून घसरली होती, ज्याच्या वॅगन्स अजूनही रुळावर होत्या. त्याचवेळी हावडा-मुंबई मेल दुसऱ्या ट्रॅकवरून येत असताना रुळावर आधीच पडलेल्या अनेक डब्यांना धडकली. आणि तिच्या 8-10 बोगी रुळावरून घसरल्या. काही डबे एकमेकांवर आदळले तर काही मधूनच वळल्याने अपघाताच्या वेळी बहुतांश प्रवासी गाढ झोपेत होते. त्यानंतर अचानक मोठा आवाज आणि धक्क्याने अनेक डबे एकापाठोपाठ एक रुळावरून घसरायला लागले. या अपघातानंतर ट्रेनमध्ये एकच गोंधळ उडाला. जीव वाचवण्यासाठी लोक इकडे तिकडे धावू लागले. वरच्या बर्थवर झोपलेले अनेक प्रवासी खाली पडले.

या गाड्या रद्द करण्यात आल्या-
22861 हावडा-कांटाबाजी एक्सप्रेस
08015/18019 खडकपुर धनबाद एक्सप्रेस
12021/12022 हावड़ा बारबिल एक्सप्रेस

Share this Story:

Follow Webdunia marathi

पुढील लेख

महिला पैलवानांच्या शोषणप्रकरणी भारतीय कुस्ती संघटनेची चौकशी करा, नव्या अहवालात ऑलिंपिक समितीकडे मागणी