कौटुंबिक त्रासाला कंटाळून नाशिकात 11 सप्टेंबर रोजी पतीने गळफास घेऊन आत्महत्या केली. नवनाथ घायवटे असे या मयत व्यक्तीचे नाव आहे. पत्नीने पतीचा अंत्यसंस्कार करण्याऐवजी मृतदेहा समोर तंत्र मंत्र पूजा विधी केली. या घटनेचा व्हिडीओ सोशल मीडियावर व्हायरल झाल्यावर नाशिक हादरले आहे.
नाशिक रोड परिसरात कौटुंबिक वादातून कंटाळून एकाने आत्महत्या केली.पत्नीने पतीच्या लटकलेल्या मृदेहासमोर तंत्र मंत्र पूजे चे साहित्य मांडून पूजा विधी करायला बसली. नवनाथ यांनी ज्या दिवशी आत्महत्या केली त्या दिवशी त्यांच्याघरात दुर्गाष्टमीची पूजा होती. पती पत्नी मध्ये काही कारणावरून वाद झाला आणि कंटाळून नवनाथ यांनी गळफास घेऊन आत्महत्या केली. त्यांच्या मृत्यू नंतर पत्नी ने पूजा मांडल्याचे समोर आले.
या घटनेचा व्हिडिओ समोर येताच एकच खळबळ उडाली. प्राथमिक तपासात पत्नी मानसिक आजारी असल्याचे पोलिसांना आढळून आले आहे. याच कारणामुळे त्याने हे कृत्य केले असण्याची शक्यता आहे. असे पोलिसांचे म्हणणे आहे.
प्राथमिक दृष्टया हे तंत्र मंत्र , जादू टोणा ची शक्यता वाटत होती मात्र चौकशी नंतर मयताची पत्नी मानसिक आजारी असल्याचे समोर आले. तिने या मुळे पूजा मंडळी होती. पोलिसांनी प्रकरणाची नोंद केली असून मृतदेह ताब्यात घेतले आहे. पोलीस पुढील तपास करत आहे.
