Paris Olympics Swapnil Kusale’s father Demanded money : पॅरिस ऑलिम्पिकमध्ये कांस्यपदक जिंकणारा नेमबाज स्वप्नील कुसळेच्या वडिलांनी आपल्या मुलाला महाराष्ट्र सरकारकडून दोन कोटी रुपयांच्या बक्षिसाच्या रकमेवर निराशा व्यक्त केली असून, आपला मुलगा अधिक राशी मिळण्यासाठी पात्र आहे.
कोल्हापूर येथील 29 वर्षीय स्वप्नील कुसाळे याने ऑगस्ट महिन्यात पॅरिस ऑलिम्पिक स्पर्धेतील नेमबाजी स्पर्धेत 50 मीटर रायफल 3 पोझिशन प्रकारात कांस्यपदक पटकावले होते.
आपल्या मुलाला पाच कोटी रुपयांची बक्षिसाची रक्कम आणि पुण्यातील बालेवाडी येथील छत्रपती शिवाजी महाराज क्रीडा संकुलाजवळ एक फ्लॅट मिळावा, असे त्याचे वडील सुरेश कुसाळे यांनी सांगितले.
ते कोल्हापुरात पत्रकारांना म्हणाले, “हरयाणा सरकार आपल्या (ऑलिम्पिक पदक विजेत्या) प्रत्येक खेळाडूला 5 कोटी रुपये देते. महाराष्ट्र सरकारच्या नवीन धोरणानुसार ऑलिम्पिक कांस्यपदक विजेत्याला दोन कोटी रुपये मिळणार आहेत. गेल्या 72 वर्षांत (1952 मध्ये कुस्तीपटू केडी जाधव यांच्यानंतर) स्वप्नील हा महाराष्ट्राचा दुसरा वैयक्तिक ऑलिम्पिक पदकविजेता असताना राज्य असे मापदंड का ठेवते?”
हरियाणा सरकार सुवर्णपदक विजेत्याला 6 कोटी रुपये, रौप्य पदक विजेत्याला 4 कोटी रुपये आणि कांस्यपदक विजेत्याला 2.5 कोटी रुपये देते हे विशेष. महाराष्ट्र सरकार यासाठी अनुक्रमे 5 कोटी, 3 कोटी आणि 2 कोटी रुपयांची बक्षीस रक्कम देते.
सुरेश कुसाळे म्हणाले, “स्वप्नीलला बक्षीस म्हणून 5 कोटी रुपये आणि बालेवाडी क्रीडा संकुलाजवळ फ्लॅट मिळावा, जेणेकरून त्याला सरावासाठी सहज ये-जा करता येईल. एवढेच नाही तर या संकुलातील 50 मीटर रायफल 3 पोझिशन शूटिंग क्षेत्राला स्वप्नीलचे नाव द्यावे.
