अमन सेहरावतने आशियाई कुस्ती स्पर्धेत ५७ वजनी गटात किर्गिस्तानच्या अल्माझ समनबेकोव्हचा पराभव करून भारताला पहिले सुवर्णपदक मिळवून दिले. अल्माझ मागील चॅम्पियनशिपचा कांस्यपदक विजेता होता. हरियाणातील झज्जर येथील रहिवासी असलेल्या 19 वर्षीय अमनने मागील वेळी या चॅम्पियनशिपमध्ये सुवर्णपदक जिंकणाऱ्या रवी दहियाच्या कामगिरीची प्रतिकृती साकारली आहे.
79 वजनी गटातही दीपक कुकना याने तांत्रिक प्रवीणतेच्या जोरावर कझाकिस्तानच्या शुहराब बोझोरोव्हचा 12-1 असा पराभव करून कांस्यपदक जिंकले.
दिल्लीच्या छत्रसाल स्टेडियमवर सराव करणाऱ्या सेहरावतने याआधी उपांत्य फेरीत चीनच्या वानहाओ झोऊचा 7-4 असा तर उपांत्यपूर्व फेरीत जपानच्या रिकुटो अराईचा 7-1 असा पराभव केला होता. अमनचे यंदाचे हे दुसरे पदक आहे. फेब्रुवारीमध्ये त्याने झाग्रेब ओपनमध्ये कांस्यपदक जिंकले होते. गेल्या वर्षी त्याने २३ वर्षांखालील जागतिक स्पर्धेत सुवर्णपदक जिंकले होते. कांस्यपदक जिंकले.
