Sri Lanka vs Bangladesh Asia Cup: आशिया चषक 2022 च्या रोमांचक सामन्यात श्रीलंकेने बांगलादेशचा दोन गडी राखून पराभव केला.आशिया चषक ब गटात श्रीलंकेविरुद्धच्या सामन्यात प्रथम फलंदाजी करताना बांगलादेशने निर्धारित 20 षटकांत 7 गडी गमावून 183 धावा केल्या.प्रत्युत्तरात श्रीलंकेने 4 चेंडू राखून दोन विकेट्स राखून सामना जिंकला.श्रीलंकेकडून कुसल मेंडिसने 60 धावा केल्या.पॉवरप्लेमध्ये श्रीलंकेने दोन गडी गमावून 48 धावा केल्या.पथुम निसांका 20 आणि चरित अस्लंका 1 धावा करून पॅव्हेलियनमध्ये परतले.184 धावांच्या लक्ष्याचा पाठलाग करताना श्रीलंकेची सुरुवात चांगली झाली.पथुम निसांका आणि कुसल मेंडिस यांनी पहिल्या विकेटसाठी 45 धावांची भागीदारी केली.दनुष्का गुनाथिलका 11 आणि राजपक्षे 2 धावा करून बाद झाला.यानंतर कर्णधार शनाका आणि मेंडिस यांच्यात पाचव्या विकेटसाठी 35 चेंडूत 54 धावांची भागीदारी झाली.मेंडिस 37 चेंडूत 60 धावा करून बाद झाला.
तत्पूर्वी, फलंदाजीला जाताना बांगलादेशची सुरुवात चांगली झाली नाही आणि १९ धावांवर संघाची पहिली विकेट पडली.त्यानंतर मेहदी हसन आणि कर्णधार शकीब यांनी 24 चेंडूत 39 धावांची भागीदारी केली.मेहदी 26 चेंडूत 38 धावा करून बाद झाला.मुशफिकर रहीम स्वस्तात बाद झाला.त्याने 5 चेंडूत 4 धावा केल्या.यानंतर शाकिब आणि अफिफ यांच्यात चौथ्या विकेटसाठी 24 धावांची भागीदारी झाली.महमुदुल्लाह आणि अफिफ हुसैन यांनी पाचव्या विकेटसाठी 37 चेंडूत 57 धावांची भागीदारी केली.अफिफ 39 आणि महमुदुल्ला 27 धावा करून बाद झाले.मोसादेक हुसेनने शेवटच्या षटकात जबरदस्त धावा केल्या आणि 9 चेंडूत 24 धावा काढून नाबाद राहिला.
