"महाराष्ट्रात राहाता तर प्रत्येकाला मराठी भाषा येणं आवश्यक आहे. महाराष्ट्रात राहाता तर मराठी भाषा शिका," असं मत महाराष्ट्रचे राज्यपाल भगत सिंह कोश्यारी यांनी व्यक्त केलं आहे.
वाशी येथे उभारण्यात आलेल्या उत्तराखंड भवनच्या लोकार्पण सोहळ्यावेळी त्यांनी हे वक्तव्य केलं. महाराष्ट्र टाइम्सनं ही बातमी दिली आहे.
"महाराष्ट्र आणि उत्तराखंड या दोन राज्यांमध्ये सांस्कृतिक आदानप्रदान आणि एकतेची भावना आहे. मराठी आणि उत्तराखंडातील पहाडी भाषा या दोन भाषांमध्ये बरेचसे साधर्म्य आहे. मराठी बोलणं फारसं अवघड नाही," असं राज्यपालांनी म्हटलं.
