पंतप्रधान नरेंद्र मोदी यांच्या हेलिकॉप्टरची ओडिशातल्या संबलपूर येथे तपासणी केल्यावरून निवडणूक आयोगाने मोहम्मद मोहसिन या IAS अधिकाऱ्याला निलंबित केले. मोहसिन निवडणूक अधिकारी म्हणून काम करत होते. लोकसत्ताने ही बातमी दिली आहे.
त्यांच्यावर मार्गदर्शक तत्त्वांचे उल्लंघन केल्याचा आरोप ठेवण्यात आला आहे. मोहसिन हे कर्नाटक केडरचे IAS अधिकारी आहेत.
विशेष संरक्षण दलाचे कवच लाभलेल्या नेत्यांबाबत जी मार्गदर्शक तत्त्वे आहेत त्यांची पायमल्ली या अधिकाऱ्याने केल्याचा आयोगाचा ठपका आहे.
ज्यांना या दलाचे संरक्षण लाभते त्यांना वाहनाच्या तपासणीत सूट असते, असे एका वरिष्ठ अधिकाऱ्याने सांगितले. यावर अधिक तपशील देण्यास त्याने नकार दिला.
