India Tourism : चैत्र नवरात्र हा हिंदू धर्मात महत्त्वाचा सण मानला जातो, नवरात्रीचे नऊ दिवस देवी आईची पूजा केली जाते उपवास केला जातो. या खास पर्वावर तुम्ही गुजरातमधील प्रसिद्ध माता मंदिरांना भेट नक्की देऊ शकता. गुजरातमध्ये अशी अनेक प्रसिद्ध मंदिरे आहे जिथे भक्त देवीच्या दर्शनासाठी दूरदूरून येतात.
रुक्मिणी देवी मंदिर
गुजरातमधील द्वारकेला चैत्र नवरात्रीला नक्कीच भेट देण्याची योजना आखू शकता. येथे रुक्मिणी देवी मंदिरचे मंदिर आहे. हे मंदिर भगवान श्रीकृष्णाची पत्नी देवी रुक्मिणीला समर्पित आहे. हे मंदिर द्वारकेपासून २ किमी अंतरावर आहे. हे मंदिर एका पाण्याच्या तळ्यावर आहे. या मंदिराचा इतिहास सुमारे २५०० वर्ष जुना असल्याचे सांगितले जाते.
आशापुरा माता मंदिर
गुजरातमधील कच्छ जिल्ह्यात असलेले आशापुरा माता मंदिर हे मंदिर राज्यातील सर्वात प्रसिद्ध आणि पवित्र मंदिर मानले जाते. नवरात्रीच्या दिवशी येथे भाविकांची मोठी गर्दी दिसून येते.आशापुरा माता मंदिर हे चौथ्या शतकात बांधले गेले असे सांगितले जाते.
कालिका माता मंदिर
गुजरातमधील सर्वात प्रसिद्ध आणि पवित्र मंदिर कालकाजी टेकडीच्या माथ्यावर आहे. हे पंचमहाल जिल्ह्यातील हालोल जवळील पावगड टेकडीवर वसलेले आहे. हे मंदिर ५१ शक्तीपीठांपैकी एक मानले जाते. चैत्र नवरात्रीत हजारो लोक या मंदिराला भेट देतात.
अंबाजी मंदिर
गुजरातमधील सर्वात प्रसिद्ध अंबाजी मंदिर खूप सुंदर आहे. हे बनासकांठा जिल्ह्यात आहे. देवी दुर्गाला समर्पित हे मंदिर ५१ शक्तीपीठांपैकी एक आहे. असे म्हटले जाते की येथे देवीची मूर्ती नाही. येथे एका पवित्र श्रीयंत्राची पूजा केली जाते. नवरात्रीनिमित्त या ठिकाणी लोकांची गर्दी दिसून येते.
