बॉलिवूडचा दिग्गज अभिनेता गोविंदा सध्या चर्चेत आहे. प्रदीर्घ काळानंतर या अभिनेत्याने पुन्हा एकदा सक्रिय राजकारणात प्रवेश केला आहे. आज मुंबईत एका कार्यक्रमादरम्यान गोविंदाने देशाचे पंतप्रधान नरेंद्र मोदी यांची भेट घेतली. खुद्द गोविंदाने हा फोटो शेअर करून त्याच्या चाहत्यांना ही माहिती दिली आहे. गोविंदाने त्याच्या इंस्टाग्राम हँडलवरून फोटो शेअर केला आहे.
गोविंदाने त्याच्या इंस्टाग्राम हँडलवर पंतप्रधान नरेंद्र मोदींसोबतचा एक फोटो शेअर केला आणि लिहिले की, 'देशाच्या पंतप्रधानांना भेटू शकलो ही माझ्यासाठी सन्मानाची गोष्ट आहे'. गोविंदाचा हा फोटो सोशल मीडियावर चांगलाच व्हायरल होत आहे.
बॉलिवूडमध्ये आपल्या अभिनयासाठी प्रसिद्ध असलेल्या गोविंदाने अलीकडेच राजकारणात पुनरागमन केले आहे. नी नुकतीच महाराष्ट्राचे मुख्यमंत्री एकनाथ शिंदे यांची भेट घेतली होती. एकनाथ शिंदे यांची भेट घेतल्यानंतर त्यांनी शिवसेनेत प्रवेश केला.
गोविंदा गेल्या अनेक वर्षांपासून चित्रपटात काम करत नाहीये. ते शेवटचा 2019 मध्ये आलेल्या 'रंगीला राजा' चित्रपटात दिसले होते.
गोविंदाने यावेळी पूर्ण तयारीनिशी राजकारणात प्रवेश केला आहे. आपल्या राजकीय प्रवासाबाबतही ते खूप उत्सुक असल्याचे दिसत आहे. गोविंदा अनेकदा आपल्या सोशल मीडिया हँडलवरून देशातील वरिष्ठ नेत्यांसोबतचे फोटो शेअर करताना दिसतात.
