बॉलीवूड अभिनेत्री रवीना टंडनवर शनिवारी रात्री उशिरा मुंबईच्या वांद्रे उपनगरात तीन जणांना शिवीगाळ आणि मारहाण केल्याचा आरोप करण्यात आला आहे आणि अभिनेत्रीला स्थानिक लोकांनी घेरले आणि हल्ला केल्याचा व्हिडिओ इंटरनेटवर व्हायरल होत आहे. सोशल मीडियावर व्हायरल झालेल्या या व्हिडिओवर लोकांच्या प्रतिक्रिया येऊ लागल्या आहेत.
मीडिया रिपोर्ट्सनुसार, रवीनाच्या ड्रायव्हरवर कार्टर रोडवर रिझवी कॉलेजजवळ तीन जणांना धडक देण्याचा आरोप आहे, आणि त्याबद्दल विचारले असता, अभिनेत्री मद्यधुंद अवस्थेत तिच्या कारमधून बाहेर आली आणि पीडितांना शिवीगाळ केली आणि मारहाण केली . व्हायरल होत असलेल्या व्हिडिओमध्ये दिसत आहे की, पीडित आणि स्थानिक लोक रवीनाला घेरून पोलिसांना फोन करत आहेत.त्यापैकी एक जण म्हणत आहे " तुम्हाला आजची रात्र तुरुंगात घालवावी लागणार. माझ्या नाकातून रक्त येत आहे."
रवीनाने लोकांना व्हिडिओ रेकॉर्ड न करण्याची विनंती केली आणि जेव्हा स्थानिकांनी तिच्यावर हल्ला केला तेव्हा ती व्हिडिओमध्ये म्हणताना ऐकू येते, "धक्का मारू नका. कृपया मला मारू नका.
नंतर एक व्यक्ती व्हिडिओवर संपूर्ण घटना सांगताना दिसत आहे. त्याने सांगितले की तिची आई, बहीण आणि भाची रिझवी कॉलेजजवळून जात असताना रवीनाच्या ड्रायव्हरने तिच्या आईवर कार घातली. "तिने विरोध केल्यावर ड्रायव्हरने माझ्या भाचीवर आणि माझ्या आईवरही हल्ला केला. नंतर रवीनाही मद्यधुंद अवस्थेत बाहेर आली आणि माझ्या आईला इतकी मारहाण केली की त्यांच्या डोक्याला गंभीर दुखापत झाली."
त्याने दावा केला की तो आणि पीडित गेल्या चार तासांपासून खार पोलिस स्टेशनमध्ये थांबले आहेत, परंतु त्यांची तक्रार घेतली जात नाही. ते म्हणाले, "त्यांनी आम्हाला पोलिस स्टेशनच्या बाहेर प्रकरण मिटवायला सांगितले. पण आम्ही त्यांच्याशी का मिटवायचे? माझ्या आईवर हल्ला झाला आहे आणि मी न्याय मागत आहे"
